شوفو البنات اذا دخلو الملعب!!!

من طرف ღ؛؛حطموكـ ياقلبي؛؛ღ 2008-12-10, 16:35

تخيلو البنات يحضرون مبارات وش بصير وش بيقلون يلا نبد ا
.
أم تهاوش بنتها المراهقة : وجع إن شاء الله تغطي.. شوفي هذاك
من اليوم يطالعك .. ترى والله لأعلم أبوك عليك >>> هذا الكلام في الملعب
.
وحدة عربجية تصايح: يا الحارثي يالنذل .. لا تكسّر ياسر حسبي الله عليك
جعلك بلماحي الي يمحاك من الملعب ولا يردك لي اهلك >> هذي اعجبتني.
.
وحده تبكي وقلبها متقطع وأختها تقول: خلاص يا بنت الحلال .. قسم
بالله التمياط إصابته بسيطة .. شوفيه بيرجع للملعب مرة ثانية
و الثانيه تقول : يا قلبي على ياسر يركض .. شكله بيصير نحيف
.
وحدة دلوعة تقول للي جنبها: لو سمحتي معك كريم واقي من
الشمس ؟؟مالقيت كريمي!!>> رايحه عرس مو ملعب الاخت
.
وحده تصارخ من الهجمة اللي ضاعت واللي وراها ناشبة بحلقها لو سمحتي وش اسم عطرك؟؟؟؟؟
.
ذولي بنتين: هلالية ونصراوية يتضاربون النصراويه تصايح
آي آي كسرتي ظفري الله ياخذ عمرك يالشينه و الثانيه معااها الكعب> ماصارت امباره مصارعه
.
وحدة بريئة نيتها حلوة: يا حبي لك يا شلهوب ياصغير ياحليله..>> في هذي صدقة خخخخ
.
وحدة مسوّية نفسها فاهمة: يامدرب النصر.. طلّع البيشي ودخّل
بداله سعد الحرثي وقدّم الخوجلي قدام ونزّل شريفي الله يقلعك>>> والله نسى ياخذها مدرب النصر ترتب لاعيبه
.
وحده تصايح وهي اصلا ماتدري وش السالفه ناول يالتايب ناول يالتايب واصلا التايب حاطينو في الاحتياط طالع من المباره وليه فتره بعد
.
وحدة تراقب الفاول ويدها على قلبها واللي جنبها تقول
البارح رحت الفيصلية.. بس ما لقيت شي حلو الله يقطعهم ... عبايتك مشتريتها من وين ؟؟؟؟؟؟؟
والثانية ما عطتها وجه
.
وحده اتحاديه ....واااااه بس ياعبد الرحمن القحطاني.. اخيراً>> هذي اكيد جدويه
شفت لاعب يستاهل ان اجيلو>>> ههههههههههههههه هههه اول مره تشوف في الاتحاد واحد حلو ومملوح...
.
ثلاث بنات جمب بعض وحده تقول لصاحبتها يا اختي مدري وش عاجبهم بياسر عادي ياناس وش فيه زود
تجي الثالثه تقول واو ياسر دخل الملعب تقوم اختنا الاولى بتطلع عيونها بس تدور
.
وحده تصاارخ باقوى ماعندهاا هدددددددددددددددددد ف
والي جمبها يناظرونها بطرف عين وش تبي ذي هذا علينا مو لنا
.
في النهائى فازو ب لكاس بردووو نارهم

من طرف **Pink dreams** 2008-12-10, 19:03

ههههههههههههههههههههههههههههههههههههههه
هههههههههههههههههههههههههه
هههههههه

والله حفله هههههههههههههههههه

وش هالبنات خخخخخ

مع احترامي الشديد للبنات ههههههههههه

يسلمووو يالعيون ع النشاط الملحوض في جميع الاقسام
تياتي لك
ودمتي بالف خير
h69

من طرف ღ؛؛حطموكـ ياقلبي؛؛ღ 2009-01-09, 01:04

الله يسلمك غناتيـ من كل شر وضر
ولا يحرمنا من وجودكـ ..
يسلمووووووو ع الرد

من طرف **■. ‏حكاية ـأنثـﮯ .. ~** 2009-01-09, 01:11

هههههههههههههههههههههههههههههههههههههههههه

هههههههههههههههههههههههههههه

ههههههههههههههههههه

وحده تصاارخ باقوى ماعندهاا هدددددددددددددددددد ف
والي جمبها يناظرونها بطرف عين وش تبي ذي هذا علينا مو لنا

سويتها مره من المرات

مسويه فاهمه بالكوره وجلس يطالعني اخوي

المشكله ان اخواني الباقيين جلسوا ينطون معاي

ع الهم من جد قوول

يسلموو ع الطرح خيتوو